Dadka cayrta qaata oo fursad weyn la siin doono

25
SHARE

Dowlada Sweden ayaa soo bandhigtay qorshe dadka cayrta qaata lagu dhiiri galinayo in ay shaqeeyaan. Qorshahaan ayaa ah in dadka cayrta qaata ee soo hela shaqo ku meel gaar ah la isugu daro mushaarka shaqada iyo 75% lacagtii ay cayrta ka qaadan jireen.

Qorshahaan ay dowladu soo bandhigtay oo la filayo in ay ku baxdo 200 milyan oo karoon ayaa ugu badnaan qofkii waxaa loo ogolyahay labo sano. Dadka sharcigaan cusub uu quseeyo ayaa ah dadka qaata cayrta ee ugu yaraan ku jiray 6 bilood.

Dowlada ayaa dhaqan galinta sharcigaan waxay ku soo dari doontaa miisaaniyada dowlada ee sanadka 2013 oo la soo bandhigi doono bisha soo socota. Kamuunada ayaa la ogeysiin doonaa qaabka ay u dhaqan galin karaan arintaan.

Qorshahaan ayaa u muuqda mid waxtar leh, iyadoo fursad siin doonta dadka cayrta ku dhibaateysan ee shaqo raadiska ah. Xitaa haddii aad soo hesho shaqo dhowr saac ah maalintii ayaa dowladu waxay kugu taageeri doontaa lacagtii cayrta ee aad qaadan jirtay iyadoo aysan la socon shuruudaha hada jira.

Sidee u aragtaa Fadlan Hoos ku reeb Fakarkaga Qodobkan

LEAVE A REPLY

Please enter your comment!
Please enter your name here