Maxkamada Yurub oo amartay in aan Greece dadka lagu celin karin

12
SHARE

Maxkamada Cadaalada ee Midowga Yurub ayaa go’aan cusub oo ay soo saartay ku amartay wadamada ku jira EUda in aysan ku celin karin dadka magangalyo doonka ah wadanka Greece ama wadamada kale ee aysan ka heli karin daryeel bani’aadanimo.

Arintaan ayaa ka dambeysay ka dib markii ay 6 qof oo ka soo jeeda Afghanista, Algeria iyo Iran iska dhiibeen wadamada Ireland iyo UK kuwaasoo dib ugu celiyay dadkaas wadanka Greece oo markii hore ay Yurub ka soo galeen.

Maxkamada ayaa amartay in aan dadka lagu celin karin Greece maadaama uusan wadankaas xakameyn karin isku socodka magangalyo doonka isla markaana aysan siin karin daryeel bani’aadanimo. Go’aanka maxkamada ayaa sharci ka dhigaya in qofka magangalyo doonka ah ee ka soo gala Greece kiiskiisa lagu baaro wadanka labaad ee uu iska dhiibo.

Iyadoo horay ay Sweden u joojisay in dadka lagu celiyo Greece ayay tani sharci rasmi ah ka dhigeysaa in qofka kiiskiisa lagu baaro halkaan. Sharcigaan ayaa qabanaya guud ahaan 27 wadan ee ku jira Midowga Yurub.


SHARE

LEAVE A REPLY

Please enter your comment!
Please enter your name here