Shaqo la’aanta Soomaalida Sweden

24
SHARE

In badan ayay ka cowdaan Soomaalida ku nool Sweden shaqo la,aanta ka jirta dalka balse ma jiro tiro koob dhab ah oo cadeynaya inta qof ee shaqo la,aanta ah. Xitaa dowlada Sweden ayaan hayn sawir guud oo ku saabsan shaqo la’aanta Soomaalida sida hore uu u sheegay wasiirka Isdhexgalka Erik Ullenhag.

Hadaba bishaan iyo bishii la soo dhaafay ayaan waxaan sameyney codbixin ku saabsan shaqada oo ka socotay boggan Somaliska.com – Natiijada codbixintaas ayaa u muuqata mid u dhow fikradaha laga haysto shaqo la,aanta Soomaalida iyadoo codbixintu soo bandhigay in ku dhawaad 65% Soomaalida sweden ku nool ay yihiin shaqo la’aan. Tiradaas ayaa ah mid macquul ah.

Soomaalida Sweden ku nool ayaa lagu qiyaasaa 37000 sida ay sheegtay dowlada Sweden iyadoo marka aan tiradaas sii kala dhigno, ay shaqo la’aantahay 24000 qof halka ay shaqo haystaan tiro ku dhow 13000 qof. Arintaan ayaa waxay muujineysaa niyad xumada ay Soomaali badan ku qabaan Sweden shaqo la’aan darteed balse lama dhihi karo Sweden shaqada ayaa ku yar laakiin arinta ayaa loo aaneynayaa shuruudaha suuqa shaqada ee qalafsan. Sida in qofka lagu xiro in uu luuqada barto iyo in uu laysan qaato.

Soomaalidu markoodii horeba ma ahayn dad qof kale u shaqeeya ee waxaan u badneyn dad iskood u shaqeysta oo ganacsato ah, laakiin in ganacsi laga abuuro Sweden ayaan sahlaneyn maadaama ay adagyihiin sharciyada iyo canshuuraha wadankaan.

Hadaba maxaad u aragtaan xalka iyo sida looga bixi karo shaqo la’aanta, fikradiina ku darsada?


SHARE

LEAVE A REPLY

Please enter your comment!
Please enter your name here