Maxay iskala mid yihiin Soomaalida iyo Yuhuuda

16
SHARE

Soomaalida ku kala firirsan daafaha aduunka ayaa lala barbar dhigikaraa qowmiyada Yuhuuda oo iyagu mudo badan sidaa ugu kala firirsanaa caalamka sida uu qabo Per Brinkemo oo ah qoraa si weyn wax uga qora arimaha Soomaalida sidoo kalena ka shaqeeya jaaliyada Somaliland ee Malmö.

Per ayaa qaba in Soomaalidu ay yihiin dad hal abuur leh oo leh dareen ganacsi iyo isku xirnaasho. Soomaalida ayaa si qaldan loola barbar dhigaa bulshada Romada ayuu qoray Brinkemo balse waxa uu qabaa cida saxda ah ee lala barbardhigi karo in ay yihiin Yuhuuda oo mudo boqolaal sano ah ku kala firirsanaa caalamka iyagoo wadamadii ay tageen ku yeeshay saameyn weyn iyo iyagoo ka abuuray ganacsiyo waxtar leh.

dhaqanka baadiyaha ee Soomaalida ayuu la dhacsanyahay Brinkemo isagoo

Per Brinkemo

aaminsan in Soomaalida uu dhaqankaas u suurto galiyay in ay caalamka ku faafaan oo meeshii ay la qabsanwaayeen isaga haajiraan. Waxa uu tusaale u soo qaatay nin Soomaali ah oo ku soo noolaaday wadamada Shiinaha, Germalka, Ciraaq iyo Sweden isagoo ugu dambeyntii Ingiriiska dagey oo ganacsade ka noqday halkaas.

Soomaalida ayaa ah dad diyaar u ah in ay safraan oo aan ka cabsan isbedelka iyo in meeshii ku xumaata ay isaga dhaqaaqaan taasoo la mid ah sidii baadiyaha markii meesha cawsku ka dhamaado ay u socdaali jireen halka roobku ka da’o.

Soomaalida caalamka ku nool ayaa horumar sameynaya waxaa Malaysia jaamacado ka dhigta 2,000 soomaali ah, meelkasta oo ay joogaan Soomaalidu waxay ka sameeyeen xiriiryo ganacsi iyadoo taas ay u sii dheertahay aqoonsiga Soomaalinimada ee meelkasta oo ay joogaan isku aqoonsadaan. Brinkemo ayaa qaba in tani ay faaido u noqon doonto Soomaaliya marka ay nabadi ka dhacdo.

Yuhuuda markii aan u soo laabano ayay sida soomaalida oo kale aduunka ku firirsanyihiin, meelkasta oo ay tageen waxay ka abuureen xirfado iyo ganacsi, Brinkemo ayaa qaba in Soomaalidu ay noqon karaan Yuhuuda afrika iyagoo mar hore ganacsiyo waaweyn ka sameeyeey wadamabada Kenya , Uganda iyo Tanzania iyo xitaa bariga dhexe. Soomaalida Sweden ku nool ayaan la qabin guushaas ay gaareen kuwooda kale taasoo uu aaminsanyahay qoraaga in ay sabab u tahay sharciyada qalafsan ee wadankaan.

Brinkemo ayaa ah nin Soomaalida si weyn u dhexgalay oo fahmay dabeecadooda, waxa uu ku doodayaa in dadka Soomaalida markii loo isticmaalo ereyga reer baadiye ay u qaataan aflagaado balse waxa uu qabaa in aysan sidaas ahayn balse la doonayo in ay ku faanaan waayo reer baadiyanimada ma ahan in aad baadiyaha ku nooleyd ee waa astaanta wadanka. Sweden ayuu tusaale u soo qaatay in loo yaqaan beeralay walow aysan dadka oo dhani beeralay ahayn, sidaa si la mid ah ayaa dhaqanka baadiyaha waxa uu sameyn ku leeyahay xitaa kuwa magaalada.

Ugu dambeyntii ayuu Per Brinkemo ku doodayaa in uu aaminsanyahay in reer baadiyo nimadu ay tahay wax lagu faano oo ay tahay furaha horumarka ee Soomaaliya.

SHARE

LEAVE A REPLY

Please enter your comment!
Please enter your name here