Western Union oo Muslimiin cunsuriyaysay

2

Xawaalada Caalamiga ah ee Western Union ayaa la ganaaxay ka dib markii ay diideen in ay lacag u diraan rag Muslimiin ah. Xeer ilaaliyada ka hortaga cunsuriyada Diskrimineringsombudsmannen (DO) ayaa sheegay in Western Union ay si aan toos ahayn u cunsuriyaysay labo nin oo Muslimiin ah ka dib markii loo diiday in lacag loo diro taasoo sabab looga dhigay in magacyadooda ay la mid yihiin kuwo Qaramada midoobey ay cuna qabataysay.

DO ayaa amray in Western Union ay ragaas siiso mid 10,000Kr halka kan kale la siinayo 5,000Kr. DO ayaa go’aankooda sal uga dhigay in Western Union aysan faahfaahin foomka lacagta lagu diro oo ay tusaale ahaan warbixin dheeri ah ka qaadi kareen macaamiisha si ay u kala saaraan kuwo ku jira Liiska la mamnuucay iyo dadka caadiga ah.

Western Union ayaa ah xawaalad caalami ah oo 200 oo wadan ku leh xafiisyo, iyadoo hal ku dhigooda uu yahay xawaalad deg deg ah balse DO ayaa sheegay in Western Union aysan ragaas Muslimiinta ah si deg deg ah ugu adeegin oo mudo ka badan maalin ay qaadatay hawshooda.

Ma ahan markii ugu horeysay ee shirkad Sweden ku taala loo ganaaxo cunsuriyad ka dhan ah Muslimiinta. Shirkada boostada ee UPS ayaa la ganaaxay sanadkii la soo dhaafay ka dib markii ay shaqada ka cayriyeen nin Muslim ah garkiisa darteed.

AD

LEAVE A REPLY

Please enter your comment!
Please enter your name here